راولپنڈی۔6مئی (اے پی پی) 4 مئی 2023 کوں سیکیورٹی فورسز اتے دہشت گرداں وچال ضلع شمالی وزیرستان دے علاقے دیردنی اچ شدید فائرنگ دے تبادلے اچ شہید تھیوݨ آلے شہیداں دی نماز جنازہ پڑھا ݙتی ڳی اے۔ پاک فوج دے شعبہ تعلقات عامہ (آئی ایس پی آر) موجب حوالدار سلیم خان (عمر 36 سال، ساکن ڈسٹرکٹ ٹانک)، نائیک جاوید اقبال (عمر 37 سال، ساکن ڈسٹرکٹ کوہاٹ)، سپاہی نذیر خان (عمر 26 سال، ساکن ڈسٹرکٹ بنوں)، سپاہی حضرت بلال (عمر 25 سال، ضلع مردان دا رہائشی )، سپاہی سید رجب حسین (عمر 22 سال، ساکن ڈسٹرکٹ اورکزئی) اتے سپاہی بسم اللہ جان (عمر 22 سال، ساکن ڈسٹرکٹ خیبر) دی نماز جنازہ پڑھا ݙتی ڳی اے جنہاں 4 مئی 2023 کوں سیکیورٹی فورسز اتے دہشت گرداں وچال شمالی وزیرستان دے علاقے دیردنی اچ شدید فائرنگ دے تبادلے اچ شہید تھی ڳے ہن۔ شہیداں ای نماز جنازہ پہلے بنوں اتے ولا انہاں دے اپݨے علاقیاں اچ پڑھائی ڳی۔ شہیداں کوں پورے فوجی اعزاز نال دفنایا ڳے۔ نماز جنازہ اچ اعلیٰ فوجی افسران، جواناں سمیت سول افسران، عوام اتے شہداء دے لواحقین دی وݙی تعداد شریک تھیے۔
