اسلام آباد۔29دسمبر (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان دی کاروبار دوست پالیسیاں پاروں پی ٹی آئی حکومت اچ گزریل سال کارپوریٹ سیکٹر کوں 929ارب روپے خالص منافع تھئے، ن لیگ دے دور اچ2018 اچ اے منافع587ارب روپے ہئی۔ بدھ کوں آپݨے ٹویٹ اچ وزیر مملکت فرخ حبیب آکھیے جو پی ٹی آئی حکومت دے دوران کمپنیاں دی رجسٹریشن اچ44 فیصد ودھارے دے نال تقریباً 70 ہزارنویاں کمپنیاں رجسٹرڈ تھئن جݙاں جو ن لیگ دوردے 5سال اچ 25 ہزار 856 نویاں کمپنیاں رجسٹرڈ تھئن ۔انہاں آکھیے جو اڄوکے مالی سال دی پہلی 3 سہ ماہیاں اچ انہاں کمپنیاں کوں 258 ارب روپے منافع تھئے۔فرخ حبیب آکھیے جو پی ٹی آئی حکومت دے 3 سال دے دوران مختلف شعبیں ترقی دے ریکارڈ توڑے ہن۔کورونا وائرس دے باوجود رئیل سٹیٹ سیکٹر اچ 494 فیصد ،آئی ٹی دے شعبے اچ 194 فیصد جݙاں جو سیاحت دےشعبے اچ 136 فیصد معاشی ترقی تھئی ۔
