اسلام آباد۔7فروری(اے پی پی) حکومت پاکستان دی ہدایات تے پی آئی اے دا طیارہ 51 رکنی ریسکیو ٹیم گھن تے اڄ استنبول پڄ ویسی۔ منڳل کوں ترجمان پی آئی اے اپݨے ھک بیان اچ آکھیے پی کے 707 دی پروازپاکستانی ریسکیو ٹیم اتے انہاں دے 7 ٹن وزنی خصوصی آلات کوں گھن تے لاہور توں استنبول روانہ تھیندی پئی اے ۔ پرواز تے امدادی سامان دی ترسیل کیتے وی اقدامات مکمل کرݙتے ڳئن ۔ انہاں آکھیے پی آئی اے دی استنبول (ترکیہ) کیتے روزانہ دی بنیاد تے پروازاں چلائیاں ویندیاں پئن جیڑھیاں جو ترکیہ کیتے حکومتی امدادی اقدامات کیتے ہر ویلھے دستیاب ہوسن ۔ پی آئی اے انتظامیہ انسانی ہمدردی بنیاداں تے ریلیف سامان دی ترسیل وی بلا معاوضہ کرݙتی اے ۔ پی آئی اے دی استنبول(ترکیہ) اتے دمشق(شام) ونڄݨ آلی ساری پروازاں تے ریلیف سامان دی ترسیل مفت کرݙتی ڳئی اے ۔ انہاں آکھیے سامان این ڈی ایم اے دے ذریعے پی آئی اے دے کارگو ٹرمینل تے پڄایا ونڄ سڳدے ۔ پی آئی اے وسیع تر قومی مفاد اچ ہمیشہ اپݨی خدمات پیش کریندے جیڑھا جو ساݙا قومی فریضہ اے۔ انہاں آکھیے کہیں وی امدادی کم یا زخمی ہم وطناں کوں وطن واپس گھن آوݨ کیتے پی آئی اے سارے وسائل استعمال کریسی ۔
.jpg)
