اسلام آباد۔1مارچ(اے پی پی)وفاقی وزیر داخلہ رانا ??نا اللہ آکھیے جو عدالتاں تے حملے دے کیس اچ عمران خان کوں گرفتار کیتا ویسی، عمران خان مسلح اتے مشتعل جتھے نال عدالت آئن اتے حملہ کروائے، جیندے تے ݙو انڄھ انڄھ مقدمے درج ہین جو او مجرمانہ نیت نال آئے ہن، فرد جرم دی کارروائی کیتے توشہ خانہ کیس اچ عمران خان دے ناقابل ضمانت وارنٹ گرفتاری دی تعمیل کریسوں، آندے انتخابات اچ لوک ووٹ دی تݙ تے عمران خان کوں ??لک?? سیاست توں ٻاھرو ??ݙھ سٹیسن۔ اسلام آباد اچ پریس کانفرنس کریندے وفاقی وزیر داخلہ آکھیا جو نواز شریف کئی پیشیاں ٻھقتیندے رہین ٻھل عمران خان عدالت پیش تھ??وݨ دی بجائے عدالتاں تے حملے کیتن، ہائیکورٹ اتے جوڈیشل کمپلیکس تے حملہ کیتے جو عدلیہ تے دبائو پاتا ونڄے، عمران خان ملک اچ فساد چاہندے، پوری قوم ایکوں سنڄاݨے، جیکر قوم ایکوں ووٹ دی طاقت نال مانئس نہ کیتا تاں ملک دا وݙا نقصان تھی ویسی۔ انہاں آکھیا جو عدالتاں تے حملیاں دے کیس اچ امید اے جو انہاں مقدمیاں تے عدالتوں توں ایکوں ریلیف نہ ملسی اتے مقدمے اچ ملوث لوکاں کوں ثبوت نال پکڑیسوں۔ وزیر داخلہ آکھیا جو حکومت عدالت دا فیصلہ منیندی اے ٻھل اختلاف رائے موجود اے، ڄݙاں ہک واری بنچ ٻݨ ونڄے تاں او تبدیل نئیں تھیندا۔
