اسلام آباد۔20جنوری(اے پی پی)وزیر خارجہ مخدوم شاہ محمود قریشی نال پاكستان اچ تعینات متحدہ عرب امارات دے سفیر حمد عبید الزعابی بدھ کوں وزارتِ خارجہ اچ ملاقات کیتی۔ملاقات وچ ݙو طرفہ تعلقات ،مختلف شعبہ جات اچ ݙوطرفہ تعاون سودھے ہکوجئے دلچسپی دے امور تے الوایا ڳئے ۔وزیر خارجہ آکھیا جو پاکستان اتے متحدہ عرب امارات وچال بھراواں آلے تعلقات ہن ،انہاں گھاٹے ݙو طرفہ تعلقات دی بنیاد ہکوجئی مذہبی، ثقافتی اقدار اتے عوامی سطحی رابطہ اے۔مخدوم شاہ محمود قریشی آکھیے جو متحدہ عرب امارات دی قیادت ہمیشہ اوکھیے ویلھے پاکستان دا ساتھ ݙتے۔16 لکھ دے نیڑے پاکستانی متحدہ عرب امارات اچ رہندن ۔وزیر خارجہ صحت، تعلیم ،توانائی اتے انفراسٹرکچر ڈویلپمنٹ دے شعبہ جات اچ متحدہ عرب امارات دی معاونت دی تعریف کیتی۔وزیر خارجہ دسمبر2020 اچ کیتے ڳئے اپݨے دورہ متحدہ عرب امارات اتے یو اے ای قیادت نال تھیوݨ آلی ملاقاتاں دا ݙسیندے ہوئیں آکھیا جواعلیٰ سطحی ݙو طرفہ وزٹس نال ݙو طرفہ تعلقات کوں زیادہ مستحکم بݨاوݨ اچ مدد ملسی ۔وزیر خارجہ2021 اچ دبئی اچ تھیوݨ آلی “ایکسپو “اچ 3500 مربع میٹر تے مشتمل “پاکستانی پویلین “دے حوالے نال معاونت کرݨ تے متحدہ عرب امارات دی قیادت دا شکریہ ادا کیتے۔اماراتی سفیر وزیر خارجہ دا شکریہ ادا کریندے ہوئیں پاکستان اتے متحدہ عرب امارات وچال ݙو طرفہ تعلقات کوں ودھاوݨ کیتے اپݨی بھرپور کاوشاں بروئے کار ڳھن تے آوݨ داعندیہ ݙتے۔
.jpg)
