واشنگٹن ۔ 9 فروری (اے پی پی) وزیرداخلہ، منصوبہ بندی و ترقی احسن اقبال آکھیے جو پاک چین اقتصادی راہداری نا ل نہ صرف پاکستان بلکہ پورے خطے اچ ترقی و خوشحالی سانگے نویں دور دا آغاز تھیسی۔انہاں اے گال پاکستان سفارت خانے اچ منعقد خصوصی تقریب توں خطاب کریندے ہوئیں آکھی ۔وزیر داخلہ پاکستان پاک چین اقتصادی راہدری دی اہمیت کوں نشابرکریندے ہوئیں آکھیا جو سی پیک متعلق وڈے وڈے انفراسٹرکچر منصوبہ جات مقررہ مدت دے نیڑے ہن ۔انہاں آکھیا جو سی پیک منصوبیں دی بئیں ملکاں تئیں توسیع دے ودھ سارے موقع موجود ہن ۔انہاں آکھیا جوپاکستان دی گزریل سال شرح نمو 5.3دا مظاہر ہ کیتے تے اے اجوکے مالی سال دے دوران 6فیصد تئیں ودھنڑ دی توقع ہے ۔ایندے توں پہلے پاکستان دے سفیر اعزاز احمد چوہدری ابتدائی کلمات ادا کریندے ہوئیںآکھیا جو سی پیک چین اتے پاکستان دیاں حکومتاںدا ہک بصیرت انگیز اقدام ہے جیرھا جو ڈوہیں ملکاں تے خطے سانگے فائدہ مند ثابت تھیسی۔ایں موقع تے معروف ماہر اقتصادیات اتے سابق سینئر ورلڈ بینک/آئی ایم ایف عہدیدار ڈاکٹر احتشام احمد تقریب دی میزبانی کریندے ہوئیں آکھیا جو سی پیک نال دنیا اچ بہوں دلچسپی پیدا تھی ہے تے ایں منصوبے تے عمل در آمد چین دے ہک خطہ ہک سڑک اقدام دا حصہ ہے ۔ تقریب اچ پاکستانی امریکی برادری دے ارکان اتے خارجہ پالیسی ماہرین وڈی تعداد اچ شرکت کیتی ۔
.jpg)
