میدان عرفات۔15جون (اے پی پی):پاکستان سودھے پوری دنیا توں 20لکھ توں ودھ مسلماناں ہفتے کوں حج دا رکن اعظم وقوف عرفہ ادا کیتے ۔خطیب حج شیخ ڈاکٹر ماہر بن حمد مسجد نمرہ اچ خطبہ حج ݙتا۔ خطبہ حج سݨݨ دے بعد عازمین ظہر اتے عصر دیاں نمازاں کٹھے پڑھیاں جیں دی امامت شیخ ڈاکٹر ماہر بن حمد کیتی۔ اپݨے خطبہ حج اچ شیخ ڈاکٹر ماہر بن حمد آکھیے تقویٰ دا رستہ ہی فلاح دا رستہ اے ، ارکان اسلام دی پیروی اچ ہی ہدایت موجود اے، رسول دی ابتاع کرݨ آلیں ہمیشہ ہدایت پاتی اے ، قرآن آکھدے جیڑھا ظلم کریندے اوندی وٹھ تھیسی ۔ مومناں کوں تکلیف ݙیوݨ آلے کݙاہیں فلاح نی پا سڳدے ، شیطان دے دھوکے تے وسوسیں توں خود کوں محفوظ رکھو کہیں دا حق نہ کھاؤ ھک ݙوجھے نال تعاون کرو تے مدد دا جذبہ قائم کرو۔
