اسلام آباد۔ 30 جون (اے پی پی) وزیراعظم محمد شہباز شریف پاکستان ٹورازم ڈویلپمنٹ کارپوریشن (پی ٹی ڈی سی) کوں ملک وچ سیاحت دے فروغ کیتے فوری عملی اقدامات کرݨ دی ہدایت کریندیں ہوئیں آکھیا جو سیاحت دے فروغ کیتے خصوصی ٹورازم زون بݨائے ونجن، پاکستان کوں ہک ٹورازم برانڈ دے طور تے ٻاہرلے ملکاں وچ متعارف کرایا ونجے اَتے صوبیاں دے تعاون نال پورے ملک وچ سیاحت ودھاوݨ کیتے اقدامات کیتے ونجن۔ سنوار کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت وچ پاکستان وچ سیاحت کوں فروغ ݙیوݨ بارے اجلاس تھیا۔ اجلاس وچ وزیراعظم آکھیا جو پاکستان دے شعبہ سیاحت وچ زر مبادلہ کماوݨ دی بے پناہ استعداد موجود اے اَتے اللہ تعالیٰ پاکستان کوں قدرتی وسائل اَتے لازوال خوبصورتی نال نوازیے۔ انہاں آکھیا جو شمالی علاقیاں وچ برف پوش پہاڑ، جنگلات، دریا، می??ان اَتے ریگستانی علاقے اَتے اِیں طرح دے ٻئے قدرتی وسائل پاروں اساݙا ملک دنیا دے کہیں وی ملک توں سیاحت دے معاملے وچ گھٹ نئیں۔ انہاں آکھیا جو ملکی ترقی دے وژن دے تحت پاکستان کوں دنیا دے پہلی سیاحتی مراکز دی فہرست وچ شامل کریسوں۔ وزیراعظم پی ٹی ڈی سی کوں ہدایات ݙیندیں ہوئیں آکھیا جو بین الاقوامی سیاحاں دی پاکستان دے سیاحتی مقاماں تے آمدورفت کوں سوکھا بݨاوݨ کیتے پبلک اَتے پرائیویٹ سیکٹر رَل تے کم کرن۔ اندرون ملک سیاحت اَتے ملکی سیاحاں دی تفریحی مقاماں تے آمد کیتے خصوصی اقدامات کیتے ونجن، اَتے ٹورازم سیکٹر وچ مستقل سرمایہ کاری بارے منصوبہ بندی کیتی ونجے۔ اجلاس وچ وزیراعظم کوں ملک وچ شعبہ سیاحت دی استعداد کوں استعمال کرݨ کیتے تجاویز پیش کیتی ڳئی۔ اجلاس کوں ݙسیا ڳیا جو سیاحت کوں فروغ ݙیوݨ کیتے شمالی علاقیاں سویں سیاحتی مقاماں دی تشہیر، میڈیکل ٹورازم اَتے ٻئے اقدامات کیتے ونڄ سڳدن۔ اجلاس وچ وفاقی وزیر اطلاعات تے نشریات عطا اللہ تارڑ، وفاقی وزیر ??یل??ے حنیف عباسی، وفاقی وزیر برائے آزاد کشمیر تے گلگت ??لتستان انجینئر امیر مقام، وزیر قومی ورثہ اورنگزیب کھچی، وزیراعظم دے مشیر رانا ثناء اللہ، معاون خصوصی حذیفہ رحمان اَتے متعلقہ اداریاں دے اعلیٰ حکام شریک ہن۔
.jpg)
.jpg)
