اسلام آباد۔29مئی(اے پی پی):وزیرِاعظم محمد شہباز شریف عالمی امن دے قیام دی راہ اچ جاناں دا نذرانہ پیش کرݨ آلے پاکستانی شہدا اتے جان توں ہتھ دھووݨ آلے ٻئے ملکاں دے فوجیاں کوں خراج عقیدت پیش کریندے ہوئیں آکھیے عالمی جھیڑیں دے نتیجے اچ کشیدگی توں متاثرہ علاقیں اچ تے اقوامِ متحدہ دے امن دستے امن دے قیام و تسلسل اتے لوکاں دی حفاظت سانڳے ٻہوں کلیدی کردار ادا کریندن وزیراعظم آفس دے میڈیاونگ موجب اقوامِ متحدہ دے امن دستیں دے جڳ ݙیھاڑدے موقع تے اپݨے پیغام اچ وزیراعظم آکھیے جو اقوامِ متحدہ دے امن دستیں اچ پاکستانیاں دی خدمات دی پوری دنیا اچ پذیرائی کہیں توں لکی ہوئی کائنی ۔ وزیرِ اعظم آکھیے گزریل 64 سال اچ دنیا اچ امن دے قیام سانڳے افواجِ پاکستان دے 2 لکھ 30 ہزار جواناں تے افسراں بشمول 500 تریمتاں آپݨا اہم کردار ادا کیتے۔میں سودھے پوری قوم اقوامِ متحدہ دے امن دستیں اچ عالمی امن دے قیام سانڳے آپݨی جاناں دا نذرانہ پیش کرݨ آلے 181 پاکستانیاں کوں خراجِ عقیدت پیش کریندی اے۔ وزیرِ اعظم آکھیے پاکستان اقوامِ متحدہ دے ھک ذمہ وار رکن دی حیثیت نال عالمی امن دے قیام سانڳے آپݨا بھرپور کردار ادا کریندا رہسی ۔ اقوامِ متحدہ دے آندی نسلاں سانڳے ھک پر امن اتے خوشحال دنیا دے مقصد کوں پورا کرݨ سانڳے پاکستان ہمیشہ وانڳوں سرگرم رہسی۔
