راولپنڈی۔16جنوری (اے پی پی) سکیورٹی فورسز ضلع خیبر دے علاقہ تیراہ اچ مختلف انٹیلی جنس بیسڈ آپریشنز دے دوران 22 خوارج کوں ہلاک جݙاں جو اٹھاراں خوارج زخمی تھئن ۔ آئی ایس پی آر توں جاری بیان موجب ضلع خیبر دے علاقہ تیراہ اچ سکیورٹی فورسز تے نشوم شہریاں دے خلاف دہشت گردی دے ٻہوں واقعات تھئن جنہاں دے نتیجے اچ ٻہوں ہلاکتاں تھیاں ۔انھاں گھنائونی کارروائیاں دے جواب اچ سکیورٹی فورسز علاقے اچ خوارج دے خلاف وسیع انٹیلی جنس بیسڈ آپریشنز کریندیاں پئن ۔14 دسمبر 2024 توں کیتے ڳئے مختلف انٹیلی جنس بیسڈ آپریشنز دے دوران سکیورٹی فورسز ہݨ تئیں 22 خوارج کوں کامیابی نال ہلاک کیتے جݙاں جو اٹھاراں خوارج زخمی تھئن۔ انٹیلی جنس بیسڈ آپریشنز علاقے اچ امن دی بحالی تے خوارج مکاوݨ تئیں جاری رہسن ۔ پاکستان دی سکیورٹی فورسز ملک توں دہشت گردی دی لعنت کوں مکاوݨ سانڳے پرعزم اے۔
.jpg)
