اسلام آباد۔7دسمبر(اے پی پی) سپیکر قومی اسمبلی راجہ پرویز اشرف آکھیے جو پاکستان اچ 8 فروری کوں الیکشن تھیندا پئے ??یں سانڳے ہر شہری دی قومی ذمہ واری اے جو او آپݨے ووٹ دا حق استعمال کرے ۔ قومی ووٹرز ڈے دے موقع تے آپݨے سنھیے اچ انہاں آ??ھیے ووٹ دے ذریعے اپݨا حق استعمال کرݨ ہر باشعور پاکستانی دا فرض اے ۔پوری دنیا دیاں نظراں پاکستان اچ تھیوݨ آلے انتخابات تے لڳیاں پئن سارے پاکستانیاں کوں عام انتخابات اچ ودھ چڑھ تے حصہ گھنݨا چاہیدے ۔ انہاں آ??ھیے عوام اپݨے ووٹ دی طاقت نال پاکستان دی قسمت دا فیصلہ کرݨا اے ۔ اڄوکے سال نویاں حلقہ بندیاں دے تحت وݙی تعداد اچ نینگر ووٹرز دا اندراج چنڳی ڳالھ اے۔ تریمت ووٹرز کوں آندے انتخابات اچ بھر پور طریقے نال آپݨا ووٹ دا حق استعمال کرݨا چاہیدے ۔سارے پاکستانی بے چینی نال عام انتخابات دے انتظار اچ ہن تاں جو آپݨے منتخب نمائندیں کوں قومی اسمبلی اچ بھیڄ سڳن ۔ راجہ پرویز اشرف آکھیے اساں ساریں رل تے پاکستان کوں ترقی دے رستے ٹوریندے ہوئیں اپݨی آندیاں نسلاں کیتے بہتری دے فیصلے کرݨے ہن ۔انہاں توقع ظاہر کیتی جو 8 فروری 2024 کوں صاف، شفاف انتخابات دے ذریعے پاکستان اچ جمہوری عمل اپݨاں نویاں منزلاں طے کریسی۔
.jpg)
