اسلام آباد۔31اگست(اے پی پی):نگران وزیراعظم ??نوار الحق کاکڑ مختلف چیزاں دی سمگلنگ روکݨ دی ہدایت کریندے ہوئیں آکھیے سمندر پار پاکستانی ملک دا قیمتی اثاثہ ہن، معیشت دے استحکام سانڳے انہاں دی ودھ ساری خدمات ہن ، سمندر پار پاکستانیاں کوں ہوائی اݙیں تے ساریاں سہولتاں ݙتیاں ونڄن ۔ اے ڳالھ انہاں آپݨی صدارت اچ ملکی معیشت دے حوالے نال اجلاس اچ آکھی اے ۔ اجلاس اچ نگران وزیر خزانہ ڈاکٹر شمشاد اختر، نگران وزیر تجارت گوہر اعجاز، نگران وزیر داخلہ سرفراز احمد بگٹی، نگران وزیر اطلاعات و نشریات مرتضیٰ سولنگی، مشیر وزیراعظم ??حد چیمہ، گورنر سٹیٹ بینک جمیل احمد، چیئرمین ایف بی آر ملک امجد زبیر ٹیوانا، وفاقی سیکریٹریز اتے متعلقہ اداریں دے اعلیٰ افسران وی شریک تھئن۔اجلاس اچ نجی شعبے دے معروف صنعت کاراں وی شرکت کیتی۔اجلاس اچ وزیراعظم کوں ملکی معیشت دے اڄوکے اعشاریں دا ݙسایا ڳئے تے ملکی معیشت دی موجودہ صورتحال دا جائزہ ڳھدا ڳئے ۔ اجلاس اچ مختلف چیزاں دی سمگلنگ روکݨ سانڳے مؤثر حکمت عملی بݨاوݨ تے مشورہ کیتا ڳئے ۔ اجلاس اچ ایران نال تبادلے دی تجارت دی موجودہ پیشرفت دا وی جائزہ ڳھدا ڳئے ۔تاجر برادری دے نمائندیں وزیراعظم کوں ملکی معیشت دی بحالی سانڳے نگران حکومت نال مکمل تعاون دا یقین ݙیوائے ۔ اجلاس اچ ڈالر دی ودھدی ہوئی قیمت دے تناظر اچ فارن ایکسچینج دے غیر قانونی کاروبار روکݨ تے تفصیلی ڳالھ مہاڑ تھئی۔ اجلاس اچ وزیراعظم ??میگریشن اتے کسٹمز حکام کوں سمندر پار پاکستانیاں کوں ہوائی اݙیں تے ساریاں سہولتاں ݙیوݨ دی ہدایت کتیی ۔ وزیراعظم ??جلاس اچ متعلقہ حکام کوں ملک توں سمگلنگ دے سدباب دی سختی نال ہدایت کیتی ۔ ایں توں انڄ وزیراعظم کسٹمز اتے امیگریشن حکام کوں اجلاس اچ سمندر پار پاکستانیاں کوں ساریاں سہولتاں ݙیوݨ دی ہدایت کیتی۔ وزیراعظم کوں ایران نال تبادلے دی تجارت دی موجودہ صورت حال دا وی ݙسایا ڳئے ۔
.jpg)
