اسلام آباد۔27اگست(اے پ?? پی)وفاقی وزیر اطلاعات و نشریات عطاء اللہ تارڑ آکھیے جو این ڈی ایم اے ولوں سیلاب متاثرین کوں خیمے اتے ٻیاں ضروری شئیں ݙتیاں وینداں پئن، سارے حفاظتی اقدامات کیتے ڳئن، این ڈی ایم اے دے پ??لے توں اطلاع دے نظام نال انخلا دا کم سوکھا تھئے، نیشنل رسپانس اچ سارے متعلقہ ادارے مل تے کم کریندے پئن، ریلیف اقدامات دے بعد نقصانات دا اندازہ لایا ویسی، وزیراعظم سیلاب توں متاثرہ علاقیاں دا دورہ وی کریسن۔ اے ڳالھ انہاں اسلام آباد اچ ڈی جی آئی ایس پی آر لیفٹیننٹ جنرل احمد شریف چوہدری اتے چیئرمین این ڈی ایم اے لیفٹیننٹ جنرل انعام حیدر ملک نال شدید مینھاں اتے سیلابی صورتحال دے حوالے نال میڈیا نال ڳالھ مہاڑ کریندے پئے ہن۔ وفاقی وزیر آکھیا جو گزری رات پنجاب دے ترائے دریاواں اچ سیلابی صورتحال پیدا تھئی، این ڈی ایم اے پنجاب ڈیزاسٹر مینجمنٹ اتھارٹی کوں مکمل طور تے آگاہ رکھیا اتے مسلسل رابطے اچ رہی۔ انہاں آکھیا جو دریائے ستلج اچ گنڈاسنگھ والا، دریائے چناب اچ مرالہ اتے مرالہ توں ہیڈ خانکی دو پاݨی دا بہاؤ ودھیے، خانکی دے مقام تے پاݨی دا بہاؤ ݙاہ لکھ کیوسک توں ودھ چُکیے جو ہݨ قادر آباد دو ودھدا پئے۔ مقامی حکام اتے ضلعی انتظامیہ کوں انخلا دے حوالے نال این ڈی ایم اے پ??لے توں اطلاع ݙے ݙتی اے جݙاں جو متاثرہ علاقیاں اچ بر ویلھے اطلاع ݙیوݨ ??ا کم جاری اے۔ وفاقی وزیر آکھیا جو وزیراعظم محمد شہباز شریف سیلابی صورتحال تے اجلاس دی صدارت وی کیتی، وزیراعظم پہلے توں اطلاع دے نظام کوں ٻیا موثر بݨاوݨ ??تے ریلیف سرگرمیاں کوں تیز کرݨ اتے صوبہ پنجاب کوں لوڑھ شئیں فوری فراہم کرݨ دی ہدایت کیتی اے۔ این ڈی ایم اے ولوں خیمے اتے ݙ??جھا ضروری سامان پُجایا ویندا پئے۔ انہاں آکھیا جو دریائے راوی اچ جسڑ اتے شاہدرہ دی صورتحال نسبتاً بہتر اے تاہم سارے حفاظتی اقدامات کیتے وین٘دے پئن۔ صوبائی حکومت اتے این ڈی ایم اے سانجھے طور تے صورتحال نال نبڑدی پئی اے۔ وزیراعظم ایں معاملے تے مسلسل آگاہ ہین اتے اڄ دے اجلاس اچ تِریے دریاواں دی صورتحال اتے آوݨ ??لے 24 توں 48 گھنٹیاں دی موسمی پیشگوئی تے وی انہاں بریفنگ ڳھدی اے۔ وفاقی وزیر آکھیا جو وزیراعظم سیلاب توں متاثرہ علاقیاں دا دورہ وی کریسن۔ انہاں آکھیا جو پہلے توں اطلاع دا نظام ٻہوں کارآمد ثابت تھئے جیںدے نتیجے اچ بر ویلھے انخلا ممکن تھیا۔ این ڈی ایم اے گزری کئی ہفتیاں توں صوبیاں نال ودھ رابطے اچ اے۔ عطاء اللہ تارڑ آکھیا جو پنجاب اچ سیلاب دی صورتحال کوں مسلسل مانیٹر کیتا ویندا پئے، وزیراعظم این ڈی ایم اے دی تیاریاں اتے صوبیاں نال کوآرڈینیشن دی مسلسل اپ ڈیٹ گھندے پئن۔ انہاں آکھیا جو وزیراعظم پہلے ہی واضح کر چُکین جو اے نیشنل رسپانس اے، ایںدے اچ پاک فوج اتے سارے ادارے ودھ چڑھ تے حصہ گھندے پئن۔ انہاں آکھیا جو آوݨ ??لے ݙینھ اچ نقصانات دا اندازہ لایا ویسی اتے متاثرین دی بحالی یقینی بݨائی ویسی۔ انہاں آکھیا جو اہم پہلو اے وی اے جو دریائی علاقیاں اچ لوک آبادیاں ٻݨا ڳھندن، ایںدے تے انتظامیہ کوں ہدایت کیتی ڳئی اے جو دریائی علاقیاں اچ تعمیرات دی اجازت نہ ݙتی ونڄے۔ قادر آباد دے علاقے اچ انخلا ضروری اے اتے سانجھیاں کوششاں جار?? ہن۔ پی ڈی ایم اے کوں مکمل سپورٹ ݙتی ویندی پئی اے اتے صورتحال کوں نیشنل رسپانس دے تحت مربوط انداز اچ ڈیل کیتا ویندا پئے۔
.jpg)
.jpg)
