اسلام آباد۔26ستمبر(اے پی پی)وزیراعظم محمد شہباز شریف اقوام متحدہ دی جنرل اسمبلی دے 79 ویں اجلاس اچ شرکت کیتے نیویارک اچ ہین جتھاں او (صبحائیں) 27 ستمبر جمعہ دے ݙینھ جنرل اسمبلی نال خطاب کریسن۔ ترجمان دفتر خارجہ ہفتہ وار پریس ??ریفنگ اچ ݙسائے جو وزیراعظم پائیدار ترقی دے اہداف بارے اقوام متحدہ دی تقریب” پائیدار ترقیاتی اہداف ” اچ شرکت کیتی اتے موسمیاتی تبدیلی بارے آفات اتے غیر منصفانہ عالمی مالیاتی نظام نال ودھیے ہوئے قرضیاں دے جال توں بچݨ کیتے ترقی پذیر ملکاں دا ہتھ ونفاوݨ تے زور ݙتے، وزیر اعظم سمنداں دی سطح ودھاݨ دے خطریاں تے اعلیٰ سطح اجلاس اتے اقوام متحدہ دی سلامتی کونسل دے مباحثے ” امن کیتے قیادت ” اچ وی شرکت کیتی، مباحثے اچ وزیراعظم مشرق وسطیٰ، یورپ اتے بئے خطیا?? اچ کھنݙدیاں جنگاں، وݙیاں طاقتاں دے جھیڑے ??تے ودھدی غربت کوں ورلڈ آرڈر کیتے ہک وݙا خطرہ قرار ݙیندے عالمی چیلنجاں نال نٻݨݨ اتے ڄڳ اچ امن و سلامتی دے اقدامات ودھاوݨ دی تجویز ݙتی۔ ترجمان آکھیے جو پاکستان انہاں مقاصد کیتے سلامتی کونسل اچ آندے سال اپݨی نشست سنٻھالݨ دے بعد مکم?? عمل کریسی۔ انہاں آکھیا جو وزیر اعظم نیویارک اچ مالدیپ، ترکیے، کویت دے سربراہان اتے سیکرٹری جنرل اقوام متحدہ نال ملین۔
.jpg)