اسلام آباد-8 ستمبر (اے پی پی) وفاقی وزیر منصوبہ بندی، ترقی، اصلاحات اتے خصوصی اقدامات پروفیسر احسن اقبال آکھیا جو موسمیاتی تبدیلی نال نبڑن کیتے آپݨی صلاحیتاں کوں استعمال کرݨا پوسی، امید اے جو پاکستان دے نوجوان اتے سائنسدان موسمیاتی تبدیلی نال نبڑن دے چیلنج اچ سرخرو تھیسن۔ انہاں اے ڳالھ سنوار کوں اتھاں انسٹی ٹیوٹ آف سپیس ٹیکنالوجی اچ تھیوݨ آلے کانوو کیشن نال خطاب کریندیں ہوئیں آکھی۔ وفاقی وزیر آکھیا جو پاکستان اچ اڄوکی بارشاں اتے سیلاب نال بہوں نقصان تھیا، سیلاب نال لوکاں دی قیمتی جاناں ضائع تھین اتے فصلاں اتے املاک دا وی نقصان تھیا۔ انہاں آکھیا جو پاکستان موسمیاتی تبدیلی نال متاثر تھیوݨ آلے 10 وݙے ملکاں وچ شامل اے اتے ہݨ موسمیاتی عوامل معمول ٻݨ ڳئن، اڳتوں ماحول کوں نقصان ٻݨ آلے گیس دے اخراج اچ پاکستان ??ا حصہ ہک فیصد توں وی گھٹ اے پَر اے موسمیاتی تبدیلی توں متاثر تھیوݨ آلا 7واں وݙا ملک اے۔ وفاقی وزیر آکھیا جو ماحول کوں نقصان کرݨ آلے گیس دے اخراج دے ذمہ دار ملک آپݨی ذمہ واریاں قبول کرݨ کیتے تیار نئیں ،ایں صورتحال دے تناظر اچ اساکوں آپݨی صلاحیتاں اتے وسائل تے بھروسہ کریندے ہوئیں سیلاب، قدرتی آفات اتے موسمیاتی تبدیلی نال نٻڑݨ کیتے آپݨی صلاحیتاں کوں استعمال کرݨا پوسی۔ انہاں دا آکھݨ ہا جو ایں سلسلے اچ اساکوں ٹیکنالوجی، ڈیٹا، پلاننگ، سیٹلائٹ ٹیکنالوجی اتے اختراعی طریقے نال موسمیاتی موزونیت اتے موافقت کوں ودھاوݨا پوسی۔ انہاں آکھیا جو اے کم پاکستان دی نوجوان نسل اتے آوݨ آلے سائنسدان کریسن، میکوں پورا یقین اے جو اساݙے نوجواناں اچ ہمت اتے جذبہ موجود اے اتے او ملک کوں موسمیاتی تبدیلی دے چیلنجز نال نبڑن آچ اپݨا کردار احسن طریقے نال ادا کریسن اتے ایں چیلنج اچ سرخرو تھیسن۔ پروفیسر احسن اقبال آکھیا جو خلائی تحقیق تے ترقی دا شعبہ انسان دے اندر کھوج اتے جستجو پیدا کرݨ دا اہم ذریعہ اے۔ ہر او تہذیب جئ??ں علم اتے ٹیکنالوجی اچ برتری حاصل کیتی اوں خلا اتے کائنات کوں آپݨی توجہ اتے تحقیق دا محور ٻݨائے۔ انہاں آکھیا جو خلائی تحقیق اتے کائنات د?? وسعتیں بارے معلومات اسلام دا تہذیبی ورثہ ہن، اسلامی تہذیب دے سنہری دور وچ آسٹرو فزنس، اسٹانومی اتے خلا کوں فتح کرݨ بارے وݙے مسلمان سائنسداناں دے ناں شامل ہن، ایں دی بنیادی وجہ ایہہ اے جو قرآن کریم اساکوں کائنات د?? وسعتاں کوں سلجھاوݨ کیتے علم اتے تحقیق دی تلقین کریندی اے۔ انہاں آکھیا جو پاکستان سیٹلائٹ ٹیکنالوجی اچ اہم پیشرفت کیتی اے، اوں آپݨا سیارچہ مدار اچ بھیجیے اتے خلائی تحقیق دا شعبہ ہولے ہولے اڳوں ودھدا پئے۔
.jpg)