نیویارک۔ 27 ستمبر (اے پی پی) وزیراعظم محمد ??ہباز شریف آکھیے جو چھل آلے علاقیں اچ متاثرین دی بحالی تئیں آرام نال نہ ٻہسوں ۔ اقوام متحدہ جنرل اسمبل?? اچ موسمیاتی تبدیلی دے مضر اثرات دی وکیڑ اچ پاکستانیاں دی آواز دنیا تئیں پڄائی۔ پاکستان جیڑھا ترقی پذیر ملک ہئی موسمیاتی تبدیلی توں آندیاں قدرتی آفات کنوں مسلسل متاثر تھیندا پئے۔ وزیراعظم دفتر دے میڈیا ونگ توں جاری بیان موجب وزیراعظم محمد ??ہباز شریف نیویارک اچ اقوام متحدہ جنرل اسمبلی توں خطاب دے وقتی بعد ملک اچ اڄوکی چھل دی صورت حال تے بحالی دے اقدامات دے حوالے نال جائزہ اجلاس دی صدارت کیتی۔ دوران اجلاس وزیراعظم چھل متاثرین کیتے ریلیف تے بحالی دی کارروائیاں تکھیاں کرݨ دی ہدایت کریندے آکھیے جو چھل آلے علاقیں اچ لوکاں دی بحالی تئیں آرام نال نہ ٻہسوں ۔ وزیراعظم نے وفاقی وزیر منصوبہ بندی احسن اقبال کوں امداد و بحالی دے آپریشنز دی کڑی نگرانی تے ایں حوالے نال باقاعدگی نال جائزہ اجلاس سݙݨ دی ہدایت کیتی۔ انہاں چیئرمین این ڈی ایم اے کوں صوبیں تے پی ڈی ایم ایز کوں مکمل تعاون ݙیوݨ تے ہنگامی بنیاداں تے متاثرہ علاقیں اچ ضیان دے تخمینے کوں مکمل کرݨ دی ہدایت کیتی۔ وزیراعظم محمد ??ہباز شریف آکھیے چھل دے بعد فصلاں تے بنیادی ڈھانچے کوں تھیوݨ آلے ضیان دا تخمینہ وقتی مکمل کیتا ونڄے تاں جو امدادی کارروائیاں تے بحالی کیتے جامع منصوبہ بند?? اچ سوکھ تھیوے ۔ وزیراعظم ایم-5 دے دریائے ستلج اچ چھل توں متاثرہ حصے دی بحالی کیتے این ایچ ا?? کوں اقدامات تکھے کرݨ دی ہدایت کریندے آکھیے موٹروے تے جلال پور پیر والا تے پئے ونڄݨ آلے شگاف دی وقتی مرمت کیتی ونڄے۔ سیکرٹری مواصلات تے چیئرمین این ایچ ا?? وقتی طور تے ایم-5 دے متاثرہ حصے تے پڄ تے ضیان دا جائزہ گھنن۔ وزیر اعظم ہدایت کیتی ڄو پاݨی توں تھیوݨ آلیاں بیماریاں توں بچݨ سانڳے سارے ضروری اقدامات کیتے ونڄن۔ چھل آلے علاقیں اچ موزوں فصلاں دی کاشت کیتے وی خصوصی اقدامات کیتے ونڄن۔ وزیراعظم محمد ??ہباز شریف نیویارک توں ویڈیو لنک دے ذریعے اڄوکی چھل دی صورت حال تے جاری امدادی کارروائیاں تے بحالی دے اقدامات تے جائزہ اجلاس دی صدارت کیتی۔ اجلاس اچ گلگت بلتستان تے آ??اد کشمیر سودھے چارے صوبیں دے چیف سیکریٹریز وی شرکت کیتی۔ اجلاس اچ چیئرمین این ڈی ایم اے وزیراعظم کوں چھل متاثرہ علاقیں دی صورت حال تے بحالی دے لائحہ عمل تے بریفنگ ݙتی۔ اجلاس کوں ݙسایا ڳیا جو تقریباً ساڈھے ترائے لکھ متاثرہ لوک امدادی کیمپس تے خیمہ وستیاں توں واپس آپݨے گھر ٹرڳ??ن ۔ سندھ اچ ا??ں ویلھے کجھ کیمپس اچ لوک رہندے پ??ن ۔ چھل دا پاݨی تکھے لہندا پئے جیندے بعد وقتی انہاں لوکاں دی وی آپدے گھراں اچ واپسی تھی ویسی۔ اجلاس کوں مزید ݙسایا ڳیا متاثرین کوں راشن تے امداد ݙیوݨ جاری اے ۔ اجلاس کوں ݙسایا ڳیا جو حکومت پنجاب متاثرین دی بحالی کیتے مثالی اقدامات کریندی پئی اے۔ فصلاں دے ضیان تے کساناں دی بحالی دے حوالے نال وی تجویزاں پیش کیتیاں ڳئیاں۔ دوران اجلاس وزیر اعظم اڳلے ہفتے اچ ضیان دے جائزے تے ہک جامع رپورٹ بݨا تے پیش کرݨ دی ہدایت کیتی۔
