مظفرگڑھ۔ 10 ستمبر (اے پی پی) علی پور اچ سیلابی صورتحال ٻہوں ودھ ڳئی اے، دریائے چناب اتے ستلج دے ٻپھرے ہوئیں سیلابی ریلے تباہی مچیندے پئن، سیت پور دی ٻہوں وستیاں اچ سیلابی پاݨی داخل تھی ڳئے، ہزاراں لوک ٻاہر نقل مکانی کرݨ تے مجبور تھی ڳئن، فصلاں تباہ اتے مکان شدید متاثر تھی ڳئن، پاک فوج ریسکیو آپریشن دی کمانڈ سنبھال ڳھدی اے، پاک فوج ولوں 7 ہزار توں ودھ لوکاں اتے 3 ہزار مویشیاں کوں ریسکیو کر تے محفوظ جہیں تے منتقل کر ݙتا ڳئے ۔ ریسکیو آپریشن اچ پاک فوج دی 19 کشتیاں اتے 250 فوجی جوان شامل ہن، پاک فوج گورنمنٹ ہائی سکول قائم والا اچ آرمی میڈیکل کیمپ بݨا ݙتے جتھ سیلاب متاثرین کوں بہترین طبی سہولتاں ݙتی ویندی پئن۔
