خانیوال۔18اکتوبر (اے پی پی) وزیراعظم محمد شہباز شریف مسلم لیگ ن دے سینئر رُکن عرفان احمد خان ڈاھا دی وفات تے ت??زی?? کیتے انہاں دے پُتر رُکن قومی اسمبلی محمد خان ڈاھا نال ملاقات کیتی اتے مرحوم دے ایصالِ ثواب کیتے فاتحہ خوانی کیتی۔ وزیر اعظم آفس دے میڈیا ونگ توں ہفتہ کوں جاری بیان دے مطابق وزیراعظم شہباز شریف مسلم لیگ ن دے جنوبی پنجاب توں اہم رُکن، سینئر رہنما تے سابق صوبائی وزیر حاجی عرفان احمد خان ڈاھا دے انتقال تے ݙُکھ اتے افسوس کیتا۔ و??یراعظم مرحوم دے ایصالِ ثواب کیتے فاتحہ خوانی کیتی اتے لواحقین نال اظہار ت??زی?? کیتا۔ و??یراعظم آکھیا جو مرحوم مسلم لیگ ن دے سرگرم کارکن اتے اساݙے دیرینہ ساتھی ہن۔ وزیرِ اعظم آکھیا جو مرحوم حاجی عرفان احمد خان ڈاھا دی پارٹی کیتے خدمات کݙاہیں فراموش نئی کیتی ونڄ سڳدی، مرحوم حاجی عرفان جنوبی پنجاب اچ مسلم لیگ دی قیادت کوں ہر اوکھے ویلھے اچ مضبوطی نال پَکڑی رکھیا، انہاں دی عوام اتے پارٹی کیتے خدمات کوں قدر دی نگاہ نال ݙیکھدوں۔ وزیرِ اعظم آکھیا جو مرحوم دی سیاسی تے سماجی خدمات کوں اتے عوامی خدمت دے مشن کوں ہمیشہ یاد رکھیا ویسی۔ وفاقی وزیر اطلاعات تے نشریات عطاء اللہ تارڑ، وزیر مملکت عبدالرحمٰن کانجو، معاون خصوصی طلحہ برکی اتے سپیکر پنجاب اسمبلی ملک احمد خان وی وزیر اعظم دے نال ہن۔ ملاقات اچ ارکان قومی و صوبائی اسمبلی اتے پارٹی ٹکٹ ہولڈرز وی شریک ہن۔ ارکان صوبائی اسمبلی رانا محمد سلیم حنیف، چوہدری عثمان فضل، سابق رُکن قومی اسمبلی ملک عبدالغفار ڈوگر، ذوہیب احمد خان ڈاھا، میاں اکرام اللہ کمبوہ نائب صدر مسلم لیگ ن خانیوال وی موجود ہن۔
