اسلام آباد۔2اکتوبر(اے پی پی)پاکستان تے تاجکستان علاقائی ٹرانسپورٹ راہداریاں دی اہمیت کوں اجا??ر کیتے تے CASA-1000 منصوبے کوں وقتی عملی شکل ݙتے ونڄݨ دے عزم دا اعادہ کیتے۔ ترجمان دفتر خارجہ توں جاری بیان موجب پاکستان تے تاجکستان وچال ݙو طرفہ سیاسی مشاورت (BPC) دا چھیواں اجلاس 29-30 ستمبر 2025 کوں دوشنبے و?? تھیا۔ پاکستانی وفد دی قیادت ایڈیشنل سیکرٹری خارجہ (مغربی ایشیا و افغانستان) سید علی اسد گیلانی کیتی، جݙݨ جو تاجکستان دی طرفوں نائب وزیر خارجہ فاروخ شریف زادہ اجلاس دی سربراہی کیتی۔ اجلاس وچ ڈو طرفہ تعلقات دے وسیع دائرہ کار تے ڳالھ مہاڑ تھئی، جیندے وچ سیاسی تے پارلیمانی رابطے ، تجارت تے سرمایہ کاری، دفاع تے سلامتی، توانائی، رابطے (کنیکٹیوٹی)، ثقافتی تے تعلیمی تبادلے، کثیرالجہتی تعاون تے قونصلر امور شامل ہن۔ ݙوہیں فریقین ݙو طرفہ تعلقات وچ مثبت پیش رفت دی تعر??ف کیتی تے ایں ڳالھ تے زور ݙتا جو اعلیٰ سطح دے دورے شراکت داری کوں نویں قوت تے سمت ݙیندن۔ اجلاس وچ تجارت دے ودھارے دے امکانات تے وی غور کیتا ڳیا، خاص طور تے ٹیکسٹائل، لاجسٹکس، زراعت تے خوراک تے دواسازی دے شعبیں وچ تعاون ودھاوݨ تے اتفاق کیتا ڳیا۔ ݙوہیں فریقین علاقائی ٹرانسپورٹ راہداریں دی اہمیت کوں اجا??ر کیتے تے CASA-1000 منصوبے دے وقتی عملی شکل ݙتے ونڄݨ دے عزم دا اعادہ کیتے، جیڑھا علاقائی انضمام تے توانائی دے تحفظ کوں مستحکم کرݨ وچ معاون اے۔ دفاع تے سلامتی دے تعاون تے وی جائزہ ڳھدا ڳیا، جیندے وچ انسداد دہشت گردی دے اقدامات، تربیتی پروگرامز تے وفد دے تبادلے تے ڳالھ مہاڑ شامل ہئی۔ ݙوہیں ملکاں خطے تے عالمی امور تے وی ڳالھ مہاڑ کیتی ، جیندے وچ جنوبی ایشیا دی صورت حال تے بھارت دے غیرقانونی طور تے مقبوضہ جموں تے کشمیر دی صورتحال شامل ہئی۔ ݙوہیں فریقین جھیڑے دے حل کیتے سفارتکاری تے اقوام متحدہ دے چارٹر دے اصولاں دی پاسداری تے زور ݙتا۔ اے مشاورت دوستانہ تے تعمیری ماحول و?? تھئی۔ ݙوہیں ملکاں ایں ڳالھ تے اتفاق کیتے جو ݙو طرفہ سیاسی مشاورت دا ستواں اجلاس 2026 وچ اسلام آباد و?? تھیسے۔ دورے دے دوران، ایڈیشنل سیکرٹری نائب وزیر ٹرانسپورٹ، نائب وزیر اقتصادی ترقی و تجارت، تے انسٹیٹیوٹ تربیت سفارتکاراں دے ڈائریکٹر نال وی ملاقاتاں کیتیاں۔ ایں توں انڄ انہاں پنج فری اکنامک زون (FEZ) تے پنج پایون دے کمرشل کسٹمز فیسلٹی دا وی دورہ کیتے
