تہران۔ 3 جون (اے پی ??ی) اقتصادی تعاون تنظیم دے تہران اچ اجلاس دے چھیکڑی ݙینھ پاکستان اَتے ایران وچال مواصلات دے شعبے اچ سانجھی مفاہمت دی یادداشت تے دستخط تھی ڳئن۔ ایں موقع تے ایران دی روڈ و اربن ڈویلپمنٹ دی وزیر فرزانہ صادق اَتے پاکستانی وفد دے سربراہ وفاقی وزیر مواصلات عبدالعلیم خان خصوصی طور تے شرکت کیتی، جݙاں جو ایرانی وزیر فرزانہ صادق اَتے وفاقی وزیر عبدالعلیم خان وچال وفد دے رَلے باضابطہ اجلاس تھیا جیندے اچ ݙوہں ملکاں وچال پہلے توں موجود تعلقات کوں ٻیا تکڑا بݨاوݨ تے اتفاق تھیا۔ وزارت مواصلات توں ??اری بیان موجب عبدالعلیم خان آکھیے جو پاکستان اَتے ایران پراݨے مذہبی، ثقافتی اَتے تاریخی رشتیے وچ ڳھنڈیے ہوئن، اساݙی ثقافت بلوچستان توں ??روع تھیندی اے اَتے ایران دے نال روز مرہ دی زندگی توں ڳھن تے ٻ??ے امور اچ مماثلت پاتی ویندی اے۔ انہاں تہران اچ اقتصادی تعاون تنظیم دے اجلاس د?? انعقاد کوں ??وش آئند قرار ݙیندے آکھیا جو ایندے نال خطے تے مثبت اثرات پوسن۔ ایرانی وزیر روڈ اینڈ اربن ڈویلپمنٹ فرزانہ صادق پاکستان اچ بالخصوص شعبہ مواصلات کیتے ہر ممکن تعاون اَتے ݙو طرفہ منصوبیں تے پیشرفت تے آمادگی ظاہر کیتی ۔ اجلاس اچ وفاقی سیکرٹری مواصلات اَتے سینئر افسر وی وفاقی وزیر مواصلات عبدالعلیم خان دے نال ہن۔ ایں توں ??نڄ قازقستان دے وزیر ٹرانسپورٹ مارات کارابائیف، ترکمانستان دے وزیر ٹرانسپورٹ ممیت خان چاکیو اَتے ازبکستان دے وزیر ٹرانسپورٹ الخوم محکموف وی وفاقی وزیر مواصلات عبدالعلیم خان نال انڄ انڄ ملاقاتاں کیتیاں اَتے انہاں توں ??پݨے اپݨے ملک دے حوالے نال سانجھے تعاون اَتے مختلف محکمانہ امور تے ڳالھ مہاڑ کیتی۔ وفاقی وزیر مواصلات عبدالعلیم خان دا آکھݨ ہئی جو پاکستان کیتے وسط ایشیائی ریاستاں یورپ اَتے روس توں ٹریڈ کیتے “گیٹ وے” ہن، اساں ریل اَتے روڈ توں ٻئے ملکاں کیتے ٹریڈ اچ ودھارا کرݨ چاہندوں ہݨ جیندے کیتے مختلف منصوبیں تے پہلے توں کم جاری اے۔ انہاں مزید آکھیے جو ای سی او دے اجلاس اچ شریک ملک ٻئے نیڑے آسن۔ ایں موقع تے قازقستان، ترکمانستان اَتے ازبکستان دے وزرائے ٹرانسپورٹ انتہائی گرمجوشی دا اظہار کریندے اپݨے اپݨے ملکاں ولوں ہر ممکن تعاون دا یقین ݙیوا??ے اَتے پاکستان کیتے خیر سگالی دے جذبات دا اظہار کیتا۔
.jpg)
