اسلام آباد۔26 اگست(اے پی پی)وفاقی وزیر داخلہ محسن نقوی پارک روڈ تے سی ڈی اے ماڈل نرسری دا دورہ کیتا جِتھاں انہاں مختلف سیکشنز تے جاری ترقیاتی کماں دا معائنہ کیتا اتے ماسٹر پلان دا وی جائزہ ڳھدا۔ انہاں نرسری اچ بݨایا ڳیا رین واٹر ہارویسٹنگ تالاب وی ݙٹھا۔ ایں موقع تے چیئرمین سی ڈی اے محمد علی رندھاوا وزیر داخلہ کوں نرسری اچ جاری ترقیاتی کماں تے تفصیلی بریفنگ ݙتی۔ سی ڈی اے دے ممبران، اے ڈی سی جی اَتے ٻئے متعلقہ حکام وی موجود ہن۔ محسن نقوی آکھیا جو ایں منصوبے نال اسلام آباد دے شہریاں دی باغبانی دیاں ضرورتاں پوریاں کرݨ اچ مدد ملسی، نرسری وچ فلاور شاپ اَتے ٹریننگ انسٹیٹیوٹ وی قائم کیتا ویسی، جݙاں جو سی ڈی اے دے ملازماں کوں پودیاں دی ݙیکھ ٻھال کیتے خصوصی تربیت ݙتی ویسی۔ وزیر داخلہ آذربائیجان دی ٹیم کوں بہترین کم کرݨ تے شاباش ݙتی۔ وفاقی دارالحکومت دے ماحولیاتی تحفظ اَتے سموگ نال نمݨݨ کیتے 50 ایکڑ تے پاکستان دی سبھ توں وݙی ماڈل نرسری بݨاوݨ دا فیصلہ کیتا ڳئے ہِ جیڑھا ہݨ مکمل تھیوݨ آلا اے۔ نرسری اچ 10 لکھ پودے لائے ویسن اَتے اوکوں جدید ضرورتاں دے مطابق ٻݨایا ویندا پئے۔
.jpg)
.jpg)