اسلام آباد ۔ 11 ستمبر (اے پی پی) سپیکر قومی اسمبلی سردار ایاز صادق خیبر پختونخوا اچ سکیورٹی فورسز دی کامیاب کارروائیاں تے خراج تحسین پیش کریندیں ہوئیں بھارتی سرپرستی اچ دہشت گردی کھنڈاوݨ آلے خارجیاں دے خاتمے تے فورسز کوں زبردست خراج عقیدت پیش کیتا۔ قومی اسمبلی سیکرٹریٹ توں خمیس کوں جاری تھیوݨ آلے اپݨے سنیھے اچ سپیکر آکھیے جو دہشت گردی دے خلاف پاک فوج، عوام اتے پارلیمان ھک پیج تے ہن، ملک بھر اچ امن تے استحکام دے قیام کیتے سکیورٹی فورسز دی کاوشاں قابل تحسین ہن۔ سردار ایاز صادق 19 بھارتی پراکسی خارجیاں کوں جہنم واصل کرݨ تے سکیورٹی فورسز دی پیشہ ورانہ صلاحیتاں دی تعریف کیتی اتے آکھیے جو بھارتی سرپرستی اچ تخریب کاری کرݨ آلے عناصر جلدی اپݨے انجام کوں پڄسن، پاکستانی عوام اتے سکیورٹی ادارے دہشت گرداں دے خلاف سیسہ پلائی دیوار ہن۔ انہاں دا آکھݨ ہئی جو دہشت گردی دے مکمل خاتمے کیتے قوم دا غیر متزلزل عزم قابل ستائش اے، پوری قوم اتے پارلیمان دہشت گردی دے خلاف قومی سلامتی دے اداریاں دے شانہ بشانہ کھڑن۔
.jpg)
