اسلام آباد ۔ یکم اپریل (اے پی پی) وفاقی وزیر تعلیم تے پیشہ ورانہ تربیت شفقت محمود آکھیا جو حکومت کھاونڑ پیونڑ دی شہیں دی مصنوعی قلت اچ ملوث بندیاں دے خلاف سخت کاروائی کریسی،حکومت کوں مہلک وباءدا مقابلہ کرنڑ،سپلائی چین دی بحالی اتے دیہاڑی دار اں دی اوکھ جیہے چیلنجز دا سامنڑاں اے،وزیراعظم عمران خان غریب لوکاں دی اوکھ کوں دورکرنڑ سانگے ریلیف پیکیج دا اعلان کیتے،،ٹائیگر فورس دے ذریعے مستحقین تئیں شفاف انداز نال امداد پجائی ویسی۔ نجی ٹی وی چینل دے پروگرام اچ گالھ مہاڑ کریندیں ہوئیں انہاں آکھیا جوپاکستان اچ چین وانگوں وسائل کائنی جو پورے ملک کوں لاک ڈاﺅن کر ڈتا ونجے،حکومت ایں وباءتے قابو پاونڑ دی پوری کوشش کریندی پئی اے۔
