اسلام آباد۔ 10 جولائی (اے پی پی) وفاقی وزیر داخلہ محسن نقوی آکھیا جو اساں صدر آصف علی زرداری، وزیراعظم شہباز شریف اَتے آرمی چیف دے خلاف بدنیتی تے مبنی مہم دے پِچھے عناصر کوں ڄاݨدوں، واضح طور تے آکھیے جو صدر مملکت دے استعفیٰ یا آرمی چیف ولوں صدارت دے منصب دی خواہش بارے کوئی گالھ مہاڑ، سوچ یا منصوبہ موجود نئیں، ایں بیانیے اچ ملوث عناصر کیتے نشابر سنیھا اے جو تساں ملک دشمن ٻاہرلی ایجنسیاں دے نال رل تے جو چاہوو کر ڳھنو اساں پاکستان کوں مضبوط بݨاوݨ کیتے ہر او قدم چیسوں جو ضروری ہوسی۔ وزیر داخلہ محسن نقوی ایکس (X) تے آپݨی پوسٹ اچ خبردار کیتا جو اساں بدنیتی آلی مہم دے پِچھوں کارفرما عناصر توں بخوبی واقف ہیسے، گمراہ کن سوچ کوں اَتے کیڑھے مقصد کیتے پھیلایا ویندا پئے اَتے ایں پراپیگنڈے نال کئیں کوں فائدہ تھی سڳدے، مکمل باخبر ہن۔ انہاں آکھیا جو صدر مملکت دے مسلح افواج دی قیادت دے نال مضبوط اَتے قابل احترام تعلقات ہن۔ وزیر داخلہ آکھیا جو بری فوج دے سربراہ دی توجہ دا مرکز پاکستان کوں مستحکم اَتے مضبوط بݨاوݨ اے اَتے ایندے علاوہ کوئی مقصد نئیں۔ وزیر داخلہ محسن نقوی آکھیا جو جو لوک ایں بیانیے اچ ملوث ہن، انہاں کیتے واضح پیغام اے جو تساں ملک دشمن بیرونی ایجنسیاں دے نال رل کر جو چاہوو کر ڳھنو اساں پاکستان کوں مضبوط بݨاوݨ کیتے ہر او قدم چیسوں جو ضروری ہوسی۔
.jpg)
