کراچی: 17 جولائی (اے پی پی) سندھ مدرستہ الاسلام یونیورسٹی دا چھیواں کانووکیشن تھئے جیندے اچ 376 گریجویٹس کوں ڈگریاں ݙتیاں ڳ??یاں۔ کانووکیشن نال خطاب اچ وزیراعلیٰ سندھ سید مراد علی شاہ آکھیا جو سندھ مدرستہ الاسلام یونیورسٹی صرف ہک یونیورسٹی کائینی، اے اساڈے قومی ماݨ دی علامت اے، جیڑھی قائداعظم محمد علی جناح اتے ݙوجھے وݙے نامور شخصیات دی مادر علمی وی اے، ایںدی 140 سال پراݨی میراث، جیںدی بنیاد خان بہادر حسن علی آفندی رکھی ہئی، اساکوں دانشمندی، حو??لے اتے عوامی خدمت دیاں قدراں نال متاثر کریندی رہندی اے، اے یونیورسٹی پاکستان دیاں کجھ معیاری یونیورسٹیاں اچوں ہک ہووݨ دے نال نال انہاں کجھ یونیورسٹیاں اچوں ہک بݨ ڳئی اے جیڑھی مالیاتی خسارے توں نکل تے سرپلس تئیں پڄ ڳئی اے۔ انہاں آکھیا جو سرکاری اتے نجی ݙوہیں یونیورسٹیاں کوں پی ایچ ڈی دیاں ڈگریاں ݙیندے ویلھے اعلیٰ ترین معیاراں کوں برقرار رکھݨا چاہیداے۔ وزیرِ اعلیٰ سندھ حکومت سندھ ولوں ایں تاریخی سندھ مدرستہ الاسلام یونیورسٹی کوں تکڑا بݨاوݨ کیتے مکمل تعاون دا یقین وی ݙیوایا۔
کانووکیشن نال خطاب اچ گورنر سندھ محمد کامران ٹیسوری آکھیا جو سندھ مدرستہ یونیورسٹی اپݨے معیار تعلیم پاروں ہک وکھری سنڄاݨ ٻݨا چکی اے، معیاری تعلیم نال ہی ایجھے نوجوان پیدا تھی سڳدن جیڑھے اپݨے ملک دی صحی?? خدمت کر سڳدن، اساکوں یقین اے جو سندھ مدرستہ یونیورسٹی توں گریجویشن کرݨ آلے طالب علم اپݨا ایہو کردار ادا کریسن۔کانووکیشن نال وائس چانسلر ڈاکٹر مجیب صحرائی وی خطاب کیتا۔ کانووکیشن اچ گورنر سندھ محمد کامران ٹیسوری اتے وزیرِ اعلیٰ سندھ سید مراد علی شاہ وائس چانسلر سندھ مدرستہ الاسلام یونیورسٹی ڈاکٹر مجیب صحرائی، چیئرمین ایچ ای سی ڈاکٹر طارق رفیع اتے سی آئی ای سی دے چیئرمین ڈاکٹر سروش حشمت لودھی دے رَلے سندھ مدرستہ الاسلام یونیورسٹی دے مختلف شعبیاں دے 376 گریجویٹس کوں ڈگریاں ݙتیاں ڳ??یاں۔
انہاں بی ایس، ایم ایس اتے پی ایچ ڈی دے 27 گریجویٹس اچ 3 گولڈ میڈل، 10 سلور میڈل اتے 14 کانسی دے تمغے وی ونڈیے۔ایں موقع تے ایس ایم آئی یو دے وائس چانسلر ڈاکٹر مجیب صحرائی گورنر سندھ محمد کامران ٹیسوری، وزیرِ اعلیٰ سندھ سید مراد علی شاہ، سندھ ایچ ای سی دے چیئرمین پروفیسر ڈاکٹر طارق رفیع، چ??رٹر انسپیکشن اینڈ ایویلیوایشن کمیٹی دے چیئرمین ڈاکٹر سروش حشمت لودھی، سیکریٹری یونیورسٹیز اینڈ بورڈز محمد عباس بلوچ، کراچی اچ ترکی دے مقرر قونصل جنرل جمال سانگو، اتے وفاقی انشورنس محتسب سید ممتاز علی شاہ کوں شیلڈز پیش کیتیاں، جڈاں جو وزیرِ اعلیٰ سندھ ایس ایم آئی یو دے وائس چانسلر ڈاکٹر مجیب صحرائی کوں سووینئر ݙتا۔
.jpg)
